சென்னை: சத்தீஸ்கர் மாநில முதல்வர் பூபேஷ் பாகேலுக்கு முதலமைச்சர் மு.க.ஸ்டாலின் பிறந்தநாள் வாழ்த்து தெரிவித்துள்ளார். சத்தீஸ்கர் முதல்வர் பூபேஷ் பாகேல் இன்று தனது 63 வயதை எட்டியுள்ளார். அவரது அமைச்சரவை சகாக்களைத் தவிர, கட்சியின் மூத்த தலைவர்கள், சிவில் மற்றும் காவல்துறை நிர்வாகத்தின் உயர் அதிகாரிகள் மற்றும் பலர் முதல்வர் பாகேலின் இல்லத்திற்கு வந்து அவரை வாழ்த்தினர். முதலமைச்சரின் மனைவி முக்தேஸ்வரி பாகேல் அவருக்கு திலகம் வைத்து இனிப்பு வழங்கிய பிறகு வீட்டில் இருந்து கொண்டாட்டம் தொடங்கியது. இந்நிகழ்ச்சியில் குடும்ப உறுப்பினர்கள் கலந்து கொண்டனர்.
பூபேஷ் பாகேலின் பிறந்தநாளைக் கொண்டாட மாநிலம் முழுவதும் பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது.பிரதமர் நரேந்திர மோடியும் சத்தீஸ்கர் முதல்வருக்கு பிறந்தநாள் வாழ்த்துகளை தெரிவித்துள்ளார். சத்தீஸ்கர் முதல்வர் ஸ்ரீ @பூபேஷ்பாகேல் ஜிக்கு பிறந்தநாள் வாழ்த்துக்கள். அவரது நீண்ட மற்றும் ஆரோக்கியமான வாழ்க்கைக்காக நான் பிராத்திக்கிறேன். என்று பிரதமர் ட்வீட் செய்துள்ளார். பூபேஷ் பாகேலுக்கு பல்வேறு தரப்பினர் வாழ்த்து தெரிவித்து வரும் நிலையில், முதலமைச்சர் மு.க.ஸ்டாலின் தனது டிவிட்டர் பக்கத்தில் வெளியிட்டுள்ள பதிவில், சத்தீஸ்கர் மாநில முதல்வர் பூபேஷ்பாகேல் அவர்களுக்கு பிறந்தநாள் வாழ்த்துக்கள். வெற்றி, வளர்ச்சி மற்றும் செழிப்பு நிறைந்த ஆண்டாக அமைய வாழ்த்துக்கள். இவ்வாறு அவர் பதிவிட்டுள்ளார்.
The post சத்தீஸ்கர் மாநில முதல்வர் பூபேஷ் பாகேலுக்கு பிறந்தநாள் வாழ்த்து தெரிவித்தார் முதலமைச்சர் மு.க.ஸ்டாலின்..!! appeared first on Dinakaran.
